Make your own free website on Tripod.com
Gemeenteblad - http://ngkdelabat.tripod.com


   Van die Redaktrise

  Geestelike Voedsel
   Die krag van gebed
   Kom ons bid...

  Gemeente nuus
   Gemeente nuus
   Malawi-uitreik
   Nuwe webblaaie

  Artikels
   Egpare moet mekaar waardeer
   Aan my vriende
   Potskuur

  Gereeld
   Grapblad
   Raai wie verjaar...
   Resep van die maand
   Goue gedagtes

  Briewe
   Lesers gesels saam

  Redaksie
   Redaksie
   Vorige uitgawes


Nuusbrokkies kan hier gepos word.

Ons kan u per e-pos laat weet sodra die nuusbrief beskikbaar is - klier hier

Ontvang Dowe Fokus deur die pos

Volgende sperdatum:
22 Julie 2002





[Gemeentenuus] [Malawi-uitreik] [Nuwe Webblaaie]

Gemeentenuus

Jeugontspanning

Op 8 Junie, 2 uur in die middag was daar jeugontspanning gewees. Die jeug het besluit om daardie dag net lekker saam te kuier. By die kerk het ons op die groot skerm rugby tussen die Springbokke en Wallis gekyk (Natuurlik het die Springbokke gewen!!!). Daarna het ons heerlik saam pannekoeke gebak, elkeen moes net vir hulself bak, maar op die ou end moet die manne net vir die vrouens dankie sÍ, want hulle het vir al die manne lekker pannekoeke gebak. Ons het heerlik saam gekuier tot laataand. Dit was lekker gewees terwyl die koue wintersdae ons tref.


Nicolene du Plessis bied aan Avroy Shlain

Op 8 Junie 2002 het ek 'n Avroy Shlain partytjie gereŽl, ek het 20 dowes (net vrouens) genooi om na die soorte gesigbehandelings en grimering te luister. Ons het vir hulle vertel dat skoonheid belangrik is in vrouens se lewens, van binne en van buite af. Daarom moet ons gereeld gesond eet en reg leef, goeie oefeninge doen. Ons moet ook goeie velsorgroetine hÍ, daarom is dit ook belangrik om goeie velsorgprodukte te gebruik. Grimering is net so belangrik vir die vrouens om mooi te kan lyk. Om mooi te kan lyk, voel hulle positief oor hulle lewe en voel goed oor hoe hulle lyk. Ons het lekker ontbyt-ete gehad, daar was baie gelukkige trekkings gewees, almal het lekker saamgekuier, laat huistoe gegaan en die dag vreeslik geniet. Ek verkoop tans Avroy Shlain produkte, as julle iets wil weet oor skoonheid en die produkte, is u baie welkom om my te kontak. My nommer is (021) 949 4875 (faks) en sms 082 339 6382. Die Here het nie verniet vrouens geskape nie, hulle bly die mooiste skepsels op die aarde. As jy ook mooi wil lyk en positief voel oor jouself, kom maak gerus 'n draai by my. Jy sal met 'n nuwer voorkoms en lewensuitkyk uitstap.


Advertensie

Ek soek graag 'n tweedehandse baba-monitor. Dit is 'n tipe alarm, wanneer die baba huil, gaan die liggie aan en af sodat sy kan sien dat die baba huil. As daar iemand is wat dit nooit gebruik of weet van iemand wat so 'n alarm het, kontak asb vir Anza Marais by faks: (021) 555 2907 of sms 082 453 7745.


Siekgevalle

Louis Lourens van Gordonsbaai - Op 8 Junie 2002 het my man, Louis nie lekker gevoel nie. Hy was baie koorsig gewees en baie opgegooi. Ek het ook verkoue en hoes gehad. Ek wou probeer om heerlike ontbyt vir hom te gee, maar Louis kon nie eet nie. Hy het drie dae geen water gedrink nie. Dinsdag, 11 Junie 2002 het Dannie en Marie Jonck vir Louis hospitaal toe geneem. My man het niks krag gehad nie, hy was baie swak. Die dokter het vir hom ondersoek, bloed getoets, nog ander dinge ondersoek. Die dokter vermoed Louis het virus griep gehad. Donderdag, 13 Junie 2002 was my man nog nie beter nie, Dannie Jonck het weer vir hom dokter toe geneem. Die suster het sy bloed getoets. Sy het gesÍ dat sy bloed baie laag was. Die suster het voeding (water) drup in sy arm gesit. Die dokter het gesÍ dat Louis hospitaal toe moet gaan. Ons het vir hom geneem na hospitaal en heeldag by hom gebly. My man se krag was heeltemal pap en net gelÍ op die bed. Die suster het nog drie liter voeding water vir hom gegee. Later het ons vir Louis huistoe geneem. Op 18 Junie het ek en my man weer hospitaal toe gegaan, want ons moet wag vir die dokter se uitslae van sy bloed. Toe sÍ die dokters, hulle kon nie vasstel wat fout was met hom nie. Die dokter sÍ, hy het nie normale bloed nie. Louis het nog vyf klein botteltjies van sy bloed laat uittrek, en dit gestuur na Tygerberg hospitaal. Ons het heeldag lank gewag in hospitaal, want ons moes hoor van sy uitslae van sy bloedtoetse. Die suster het gesÍ dat my man moet oornag in hospitaal. Hulle moet baie dinge toets uit sy pols, nog ander. Die dokter het vir ons gesÍ, die afspraak is 25 Junie en daarna 27 Junie na Tygerberg Hospitaal. Hulle gaan nog vir hom ondersoek. Ons families, kinders en vriende en ons gemeente moet vir hom baie bid om te bevestig wat die dokters sÍ wat fout is met hom.

Deon Dippenaar van Bellville - Hy het weer siek geword en hy is toe opgeneem in Panorama Hospitaal, hy is intussen weer ontslaan en gaan nou versorg word by Kuilsrivier Ouetehuis, omdat dit moeilik is om hom by die huis te versorg. Ons dink baie spesiaal aan sy vrou, Hanna en ook aan sy kinders. Kom ons bid vir sy gesondheid en vir sy gesin in hierdie tyd.


Sterfgevalle

Theuns Kruger van Rusoord - Hy is op 9 Junie 2002, 6 uur in die oggend by Louis Leipoldt aan 'n hartaanval oorlede. Hy sou in Oktober maand 86 jaar oud geword het.

Mej. Elna du Toit, Oud onderwyseres (Sub A - graad 2 klas) - Sy is op 19 Junie 2002 by Panorama Hospitaal om 9 uur in die aand oorlede, sy het borskanker gehad, sy het vir 'n rukkie chemoterapie ontvang, beter gegaan, maar die laaste tydjie het sy baie agteruitgegaan. Sy is op 22 Junie begrawe. Van al die skoolkinders en oudskoliere en ander vriende wat baie naby aan haar was, sal haar altyd onthou dat sy 'n baie goeie mens was en vol liefde was. Sy het baie gedoen vir die dowes. Sy was ook daarby betrokke saam met WP rugby, sy het die skoolkinders ook baie geleer van rugby en kon hul rugbyhelde ontmoet. Neem jouself in stilte van 1 minuut en dink aan haar familie en vriende wat in hierdie moeilike tyding beleef.

Willie Mouton van Parow - Hy is op 20 Junie 2002 oorlede. William beter bekend as Willie is gebore in 1944 op Clanwilliam. Hy het daar groot geword en nadat uitgevind is dat hy gehoorprobleem het, het hy na De La Bat Skool vir dowes gegaan. Nadat hy skoolopleiding voltooi het, het hy aangesluit by die Weermag en vir die volgende 33 jaar van sy lewe tot en met sy dood het hy vir die weermag gewerk. Hy is 1974 getroud met Benita en sy 3 kinders is uit die huwelik gebore. Willie sal altyd onthou word vir die sagte mens wat hy was. Hy was 'n baie hardwerkende man en baie lief om skrynwerk te doen. Sy vriende en familie sal hom onthou as iemand wat baie vrygewig was en graag sy naaste gehelp het waar hy kon.

Begrafnis: 26 Julie 2002. Prop Neil du Plessis het die diens gelei

Wilma Alexander se moeder - Sy is oorlede en was op die 8ste Junie op Stellenbosch begrawe. U onthou nog dat een van die tweelingbaba van Wilma en Eugene 2 jaar gelede gesterf het. Een van die tweeling is gesond en dit gaan nog baie goed met die kindjie.

Els en Ettienne Heugh se pa - Op 3 Junie 2002 die oggend het Els en Ettienne Heugh se pa op pad werk toe 'n massiewe hartaanval in sy motor gehad naby Kuilsrivier stasie en toe teen 'n lamppaal gebots. Die gesondheidswerkers kon hom nie bybring nie en hy het gesterf, Els se pa is op die 8ste Junie 2002 uit die VGK Eersterivier waar sy pa 'n ouderling was, begrawe.

(Namens ons gemeente en lesers, ons innige meegevoel met familie en vriende wat geliefdes aan die dood afgestaan het. Mag God in hierdie moeilike tyding met julle wees. Hy sal julle troos. Ons harte gaan na julle uit en ons dink in hierdie tyd saam met julle - Red)


Selfoon gesteel

'n Vreeslike ding het met my gebeur. Ek ry elke dag derde klas trein na my klas toe. Na klas het ek op die trein geklim en by die deur gesit langs 'n afskorting. Ek het heel veilig gevoel, want die afskorting was taamlik hoog. Op pad huis toe het ek my selfoon uit my sak gehaal om smse te lees. By Soutrivier, toe die trein wegtrek, het 'n swart seun my selfoon uit my hand gegryp en by die deur uit gevlug. Hy het dit reggekry om uit te spring want die deur was stukkend en het nie dadelik toegegaan nie. Ek het so groot geskrik!! Het toe dadelik polisie toe gegaan en my foon gestop.

Magda Spence van Oakdale


Rusoord Komitee het weer pannekoekverkoping gehou

Op 8 Junie het die Rusoord komitee weer pannekoekverkoping gehou by Sanbel, Bellville Pick and Pay. Hulle het baie hard gewerk en altesame R980,00 gemaak. Rusoord se komitee sÍ baie dankie vir die Rusoord se helpers. Dit was 'n groot sukses gewees.


Wenner van die skaap

By die basaar het mense lys gemaak om 'n donasie te gee, die prys was dat die mense moes besluit wat die gewig van die skaap was (daar was 'n foto van die skaap by die lys aangeheg) en die wenner moes die naaste gewig kon reg besluit het, kon 'n skaap wen. Die wenner van die skaap was Eureka Steenkamp, die gewig van die skaap was 17,058 kg, Eureka het met 17,6 kg geraai. Baie geluk Eureka!!!!!


Die ontmoeting: Die vervolg van Mei maand Dowe Fokus nuusbrief

Op die 6de Mei het Arnold Meth huistoe gegaan. Sy suster skryf dat die ontmoeting met hul verlore broer baie trane, hartseer en vol blydskap was. Dit was soos die verlore seun wat huistoe gekom het.

Op 16 Mei 2002 het die familie vir Arnold 'n heerlike braai gegee op sy verjaarsdag. Arnold was baie hartseer om al sy dowe vriende van die Kaap wat hom al die jare ondersteun, hulp asook huisvesting aan hom verskaf het, afskeid moet neem.

Die familie spreek hul dankbaarheid teenoor Tony Salie wat moontlik gemaak vir al die reŽlings dat Arnold permanent huistoe kon gaan. Arnold help tans sy swaer met die loodgieter en ander sake in hul besigheid. Verder, vertel sy suster dat hy nog baie moeilik aanpas en vir haar was dit soos 'n droom dat hulle broer tuis is. Arnold se ander suster en broer wat ook doof is kon nie glo dat hulle broer permanent huistoe gekom het nie.

Verder wil ek ook melding maak dat hier in die Skiereiland baie dowes is, wat vir jare nooit hul ouerhuis besoek het of miskien nie belangstel nie. Lesers word gevra vir voorbidding dat daar 'n soortgelyke ontmoeting soos Arnold sal plaasvind.


Biduurafsluiting elke laaste Woensdag van die maand

Ons herrinner ons lesers net aan die biduurafsluitings wat elke laaste Woensdag van die maand by die kerk gehou word. Hierdie bidure is baie belangrik omdat ons as gemeente saam wil gesels oor beplanning hoe ons lidmate betrokke kan raak by projekte en sendingwerk buite ons kerk. Dit is belangrik vir ons om dowes wat ver bly bv. op die Kaapse Vlaktes te kan bereik en vertel van die goeie Nuus van Jesus se liefde. Ons wil almal uitnooi om hierdie byeenkoms by te woon.


Terug na bo



Enige voorstelle of probleme met hierdie webblad, kontak vir Magda Spence
Dowe Fokus 2001-2002 - De la Bat Gemeente Bellville