|
|
Van die Redaktrise Geestelike Voedsel Gemeente nuus Artikels Gereeld Briewe Redaksie
Ons kan u per e-pos laat weet sodra die nuusbrief beskikbaar is - klier
hier
Volgende sperdatum: |
|
- Nou kan ons begin werk! -
Geagte Lidmaat,
Party mense sê hulle glo nie in God of aan wonderwerke nie. Sê vir hulle dat hulle
hier in ons gemeente moet kom kyk as hulle wonderwerke wil sien, en as hulle God se
liefde wil sien. Ons gemeente was plat, soos 'n bokser wat uitgeslaan is. Party
gemeentes wat baie groter as ons gemeente is, kon nie opstaan nie, en hulle moes
toemaak. Maar die Here het gesê ons gemeente vir Dowes sal nie toemaak nie, want
Hy het Self hierdie gemeente begin om ons te gebruik, en Hy sê vir ons in Openbaring
3:7: As Ek 'n deur oopsluit, kan niemand dit weer toesluit nie. 8 Ek weet alles wat
julle doen. Kyk voor julle. Daar is 'n deur wat Ek oopgesluit het, en niemand kan
dit weer toesluit nie. Ek weet julle krag is min. Maar julle het vasgehou aan My en
aan My woorde…… Elke laaste Woensdag van die maand, gaan die biduur nou by die
kerk wees, sodat ons kan leer hoe om vir ander mense te vertel van die Here se liefde.
Ons begin 7:00 uur.
Ons het verlede maand besluit dat ons basaar nie gaan wees om te probeer genoeg
geld bymekaar-maak nie, maar om vir die Here dankie te sê vir sy genade, dankie
dat Hy ons God is en dankie dat Hy ons wil gebruik. En dit was 'n wonderlike basaar
en die Here het ons geseën. Die kerkraad het vir my gesê dat as ons meer as R 60 000
insamel voor einde Mei, dan moet ek my hare afskeer, en dit lyk nou vir my dat my
kop gaan koud kry.
Wat beteken hierdie groot basaar vir ons? Die inkomste van ons gemeente wat ons
lidmate gee, bestaan uit 4 dele. Die basaar, ons dank-offers, ons wyke se woekergeld
en kollektes Sondae by die eredienste. Ons moes R 50 000 kry met die basaar, en ons
het nou amper R 10 000 meer by hierdie een deel. By die dank-offers moet ons R 100 000
kry, by die woekergeld moet ons R 20 000 kry en by die kollektes Sondae ook R 20 000.
Ons het baie goed begin, en dit lyk of ons gemeente opgestaan het en begin hardloop het.
Ons kan nou baie meer doen vir die Here en ons het al klaar 'n paar plekke gesien waar
Hy vir ons wil gebruik. Hy het nou klaar vir ons die geld gegee daarvoor.
Dit lyk of baie van ons lidmate verlede maand begin het om hullle dank-offers groter
te maak. As almal dit doen, as meer lidmate hulle volle dank-offer gee, dan kan ons
baie werk vir die Here doen, en dan sal ons ook genoeg inkomste hê in hierdie deel.
Daarom vra ons nou vir al ons lidmate: Kom ons wys vir die Here ons is lief vir Hom,
kom ons gee onsself vir Hom, kom ons gee vir Hom wat ons moet, nie wat ons oorhet aan
die einde van die maand nie. Baie dankie vir elkeen wat doen wat die Here vir hom of haar sê.
Ek en Jean gaan weg wees met langverlof vir 3 maande. Ons sal 'n klompie Dowes
besoek oral in die land en groete stuur. Ek sal ook nog vertaalwerk doen. Neil
sal die meeste Sondae preek, maar onthou, die Here is elke Sondag hier en Hy wag
vir elke lidmaat. As daar enige probleme is, kontak die skriba, of vir Hein of vir
Jaco, hulle kan help.
Mag die Here julle elkeen baie ryklik seën.
Seënwense, |
