Van die Redaktrise
Redaksie
Ons kan u per e-pos laat weet sodra die nuusbrief beskikbaar is,asook
enige fotos wat laat ingekom het - klier hier |
WYK 6
Deon en Hannah Dippenaar van Bellville se gesondheid is nog altyd sleg. Hanna het siek geword toe sy vir Deon moes loop soek een nag in die reën toe hy sommer weggeloop het. Sy het met longontsteking in die hospitaal beland. Sy is darem al weer tuis, maar voel nog pap. Voorbidding vir hulle is nodig.
Nico Smit was baie verras toe Naomi tydens biduur by sy huis gou weggeglip het om vir almal daar pizzas te gaan koop om sy 50ste verjaarsdag te vier na die biduur. Maar ons weet mos sy is maar so 'stout'.
Ria, Johann en Kallie van Brackenfell was Paasnaweek op die Eiland by Upington om haar ma se familiereünie by te woon. Dit word elke 2 jaar gehou en dit was baie lekker. Die familie wil altyd graag vir Doepie (Ria se broer) sien,maar ons sukkel nog om hom daar te kry.
Oom Dannie en Tannie Marie Jonck van Gordonsbaai se jongste dogter (Janie) trou die dag van die basaar, en hulle is jammer hulle sal nie kan kom nie. Ons sal hulle mis maar ons glo dit gaan 'n pragtige dag vir hulle wees. Baie geluk solank!
Louis en Christina Lourens van Somerset Wes het 'n kleinseun ryker geword. Baie geluk ook aan hulle! Ons hoop hy is nie so kwaai soos sy oupa nie!
WYK 6 AFSLUITINGSETE BY POPPIE EN NAOMI LAMBRECHTS SE HUIS OP 23 MAART 2002
[Fotos]
Dit was die ongelooflike aand gewees om saam met 21 mense te kuier. Ons het baie lekker
saamgekuier en geëet. Poppie, Winston en Dannie het hoenders en aartappels gemaak,
Maline het rys gemaak, Marie het wortels gemaak, Francina het broccoli en blomkool met
witsous gemaak. Christina het poeding gemaak met vla. Alles was baie lekker. Ons
was ook bly dat Deon en Hanna Dippenaar daar was. Alwyn Carstens het baie geniet en
baie grappies gemaak. Ek en poppie het baie gelag vir hom. Dit het vir my gevoel
asof almal die familie van ons was, hulle was dierbaar en vriendelik. Ek sal dit nooit
vergeet nie. Dankie Wyk 6 dat julle daar was. (Ongelukkig het van die 3
foto's nie
deurgekom nie, ek was teleurgesteld.
|