'N VET PRYS VIR DIEëTGOED
Onlangs het ons, soos gewoonlik, na kerk by 'n supermark gestop om 'n paar goed
vir die week wat voorlę te koop. Onder meer het ek twee dieëtstafies gekoop. Toe
die dame by die kasregister die totaal druk, sien ek die lekkergoed kos R1 200 299.62!
Die dame het alles weer geskandeer en weer by dieselfde prys uitgekom. Ons was
stomgeslaan en toe die eienaar uiteindelik nader staan het my man gevra of ons
maar die hele winkel se voorraad kan begin laai
STUKKIE PARADYS
My seuntjie Nicolaas (toe 4) het by sy ouma gaan kuier, en ouma het dit goed gedink
om hom bietjie die groentes te leer eet wat sy ma nie graag gaarmaak nie. Die
spesifieke dag was broccoli aan die beurt, en ouma versin die oulikste stories oor
die boompies wat hy gaan proe. Hy begin ewe entoesiasties aan die eerste een eet,
maar ouma sien hy kou al stadiger en kry so 'n veraf trek in sy ogies. "Ouma,"
roep hy toe sy ouma wat intussen in die spens verdwyn het, "kom kyk hier!" Die
mannetjie beduie toe na sy bord waar hy die laaste "boompie" staan gemaak het, mooi
vasgedruk in die middel van die rys. "Kyk net, hierdie is die Paradys, en daardie
boom is die boom waarvan God gesę het ons mag nie eet nie!"
FANUS RAUTENBACH SE ONS MOET ALMAL EENDAG STERWE, MAAR ELKEEN STERF VOLGENS SY BEROEP:
- Die reisiger gaan heen;
- Die melkman en die polisieman kom om;
- Die jagter gaan bokveld toe;
- Die kok steek lepel in die dak;
- Die horlosiemaker se tyd breek aan;
- Die valskermspringer ontval ons;
- Die tuinier word van die gras af gemaak;
- Die melkboer skop die emmer;
- Die dominee verwissel die tydelike met die ewige;
- Die ouderling is ontslape;
- Die skeidsregter blaas sy laaste asem uit;
- Die dokter se hart gaan staan;
- Die elektrisien se liggie word gedoof;
- Die koster hoor die doodsklok lui;
- Die kleremaker se draad word geknip; en
- Die begrafnisondernemer sien sy gat.
Ingestuur deur Johanna Myburgh
Hier is opstelle wat sewejariges geskryf het:
Moses:
Moses bly in die paluis. Hy eet elke dag lekkers en fluis. Hy ry rond in die farro
se pere en poets. Moses wil nie saam met die anerse speel nie want hy is 'n prinses.
In die dag het Moses moord gepleeg en in die nag brand hy hyse af. Moses loop in
Betluhem rond en hy sien 'n aagupteman slaan 'n asraliet.Hulle gooi klip. En toe sę
die een vir Moses: meen jy ek is daai dusiepel wat jy in die sand gegrawe het? Ek is
nie daai koning nie.
Toe skruk Moses en hy flig na Jeroetsalem."
Moses:
"Die volk het om 'n arend (Aaron) gaan staan en gesę:Dit smaak my Moses kom nie
trig nie. Hy't gevergeet van ons. Toe sę 'n arend; rik alle eeriengs en oorkrawers
van die hele vrouens af. Hy mak 'n goue kalf van silwer. Die volk sę: ons moet in
sonde faal toe faal hulle in sonde. Hulle het vlys gebraai en gemors, Wat Moses
van die berg af kom, word hy so kwaat laat hy op die klip taaifil breekskop met die tien
desiepels daarop.Hy vat daai kalf en hy het hom geversyp en afgeslaag. Toe frumel Moses
die kalf. Moses het die goue kalf in die water kom gooi. Die water ryk skoon gal. 3000
mense het gedood van daai water."
